მარიამ ჯაში დევნილების და სოციალურად დაუცველი მოსახლეობისთვის  საპილოტე დონეზე ბინათმშენებლობის პროექტის ინიცირებით გამოდის

დავიწყოთ მუშაობა პროექტზე, რომელიც მოგვცემს საშუალებას, რომ გრძელვადიანი საშეღავათო რესურსებით მოვახდინოთ საპილოტე დონეზე ბინათმშენებლობის პროექტის ინიცირება დევნილებისთვის და სოციალურად დაუცველი მოსახლეობისთვის,- ამის შესახებ პარლამენტის განათლების კომიტეტის თავმჯდომარემ მარიამ ჯაშმა პარლამენტის პლენარულ სხდომაზე განაცხადა და ინიციატივაში მხარდაჭერა რეგიონული განვითარების და ინფრასტრუქტურის სამინისტროს სთხოვა.

როგორც მარიამ ჯაში აცხადებს, აღნიშნული პროექტი, „რეალურად, გრძელვადიანად გადაჭრის ბინით უზრუნველყოფის პრობლემას და ასევე იქნება უფრო ხარჯთეფექტური მიდგომა თბილისის მუნიციპალიტეტის მიერ მხარდაჭერილი ქირით უზრუნველყოფის კომპონენტისთვის“.

„მოგმართავთ, როგორც სამგორის მაჟორიტარი დეპუტატი. ჩვენი საარჩევნო ოლქი ერთ-ერთი ყველაზე მნიშვნელოვანი სოციალური გამოწვევების წინაშე დგას, როგორც ინფრასტრუქტურული, ასევე ბინათუზრუნველყოფის თვალსაზრისით. მინდა მოგმართოთ თხოვნით, რომ ჩვენ დავიწყოთ მუშაობა საპილოტე პროექტზე, რომელიც მოგვცემს საშუალებას, რომ გრძელვადიანი საშეღავათო რესურსებით მოვახდინოთ საპილოტე დონეზე ბინათმშენებლობის პროექტის ინიცირება, რომელიც არამხოლოდ დევნილი მოსახლეობისთვის, არამედ სოციალურად დაუცველი მოსახლეობისთვის იქნება მნიშვნელოვანი და რეალურად, გრძელვადიანად გადაჭრის ბინით უზრუნველყოფის პრობლემას და ასევე იქნება უფრო ხარჯთეფექტური მიდგომა თბილისის მუნიციპალიტეტის მიერ მხარდაჭერილი ქირით უზრუნველყოფის კომპონენტისთვის“,- განაცხადა ჯაშმა.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა