ჩვენ შევქმნით სამოქმედო გეგმას, რომელშიც კონკრეტული ვადებისა და ინდიკატორების მითითებით გავწერთ თემებს, რომელიც აუცილებელია იმისთვის, რომ სახელმწიფო მომზადებული შეხვდეს ამ უდიდეს რეფორმას“,- ამის შესახებ დეპუტატმა სოფო კილაძემ გაერთიანებული კომიტეტების სხდომაზე განაცხადა, რომელზეც „ბავშვის უფლებათა კოდექსის“ განხილვა მიმდინარეობს.

როგორც კილაძემ აღნიშნა, რეფორმის განხორციელებისთვის პრინციპული მნიშვნელობა იმპლემენტაციის პროცესთან ერთად ენიჭება დეცენტრალიზაციას. დეპუტატის თქმით, თვითმმართველობებმაც კოდექსის განხორციელებაზე თავისი წილი პასუხისმგებლობა უნდა აიღონ.

,,პრინციპული მნიშვნელობა აქვს დეცენტრალიზაციას, ანუ თვითმმართველობების ფარგლებში გარკვეული უფლებამოსილებების გადაადგილებას. ეს პრინციპული საკითხია, იმიტომ რომ, ჩვენ, თბილისში ვერ ვხედავთ ადგილზე რა საჭიროებები აქვთ ბავშვებს. გარკვეული ნაწილი ბავშვთა უფლებების დაცვის უნდა გადაეცეს ადგილობრივ თვითმმართველობებს, შესაბამისი ადამიანური და ფინანსური რესურსის უზრუნველყოფით“, - განაცხადა კილაძემ.

მისივე თქმით, კოდექსზე საპარლამენტო ზედამხედველობის გაძლიერების კუთხით იგეგმება სპეციალური საბჭოს შექმნა, რომელიც ბავშვებზე და მათ საჭიროებებზე იქნება ორიენტირებული.