ანრი ოხანაშვილი მიიჩნევს, რომ „თიბისი ბანკის“ საქმეზე საგამოძიებო კომისიის შექმნა ყოველგვარ საფუძველს მოკლებულია

პარლამენტის იურიდიულ საკითხთა კომიტეტის თავმჯდომარე ანრი ოხანაშვილი მიიჩნევს, რომ „თიბისი ბანკის“ საქმეზე საგამოძიებო კომისიის შექმნის იდეა საწყისშივე, ყოველგვარ საფუძველს მოკლებულია. მისი თქმით, ეს მოთხოვნა აბსურდულია.

„ჩვენ ყველამ ვნახეთ ხორავას ქუჩაზე საგამოძიებო კომისიაზე ოპოზიცია როგორ ახდენდა ამ პროცესის პოლიტიზირებას. ეს იყო ძალიან სამწუხარო ფაქტი. ოპოზიციამ თავისი შანსი გაუშვა, რომ ყოფილიყო ობიექტური, კრიტიკულად ობიექტური“, - განაცხადა ანრი ოხანაშვილმა.

რაც შეეხება „თიბისი ბანკის“ საქმეს, როგორც ანრი ოხანაშვილმა განაცხადა, ის ვერ ისაუბრებს საგამოძიებო უწყებების ნაცვლად. მისივე თქმით, შინაგან საქმეთა მინისტრის გიორგი გახარიას პოზიცია არის ის, რომ მზად არის კითხვებზე გასცეს პასუხი.

„თურმე, რაღაც წერილი არსებობს და რაღაც შანტაჟს ჰქონდა ადგილი. ეს არის საგამოძიებო უწყებების პრეროგატივა, უზრუნველყონ ამ პროცესის მართვა. მე მათ მაგივრად ვერ ვისაუბრებ, თუკი არის რამე გამოსაკვლევი, ყველაფერი უნდა იყოს გამოკვლეული“, - განაცხადა ანრი ოხანაშვილმა.

მისივე თქმით, წარმოუდგენელია ერთი სამართლებრივი ქეისის პოლიტიკურ ჭრილში გადატანა და აღნიშნა, რომ ეს არის არა „თიბისი ბანკის“ საქმე, არამედ, ეს არის საქმე ხაზარიძე-ჯაფარიძის მიმართ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა