ნიდერლანდებში, ქალაქ უტრეხტში მომხდარ სროლას შესაძლოა ტერორისტული მოტივი ჰქონდეს, - ამის შესახებ ინფორმაციას ქალაქ უტრეხტის პოლიცია ავრცელებს.

ჰოლანდიური მედიის ინფორმაციით, სროლის შედეგად, სულ მცირე ერთი ადამიანი გარდაიცვალა.

„პოლიცია დღეს მომხდარ სროლას იძიებს. ტერორისტული მოტივი, როგორც შესაძლო მოტივი განიხილება გამოძიების მსვლელობისას“, - ნათქვამია პოლიციის განცხადებაში.

შეგახსენებთ, რომ დღეს ქალაქ უტრეხტში უცნობმა პირმა ცეცხლი გახსნა ტრამვაიში, შედეგად რამდენიმე ადამიანია დაჭრილი. დაშავებულების ზუსტი რიცხვი ცნობილი არ არის.