მუნიციპალური განვითარების ფონდმა საპროექტო და სამშენებლო სექტორს ინფრასტრუქტურული პროექტები გააცნო

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ქუთაისში, გორში, დაბა სტეფანწმინდაში, თელავის ისტორიულ ნაწილში, სოფელ ველისციხეში, უშგულის თემის სოფლებში ჩვიბიანსა და ჟიბიანში და დაბა მესტიის ლაღამის უბანში საზოგადოებრივ-სარეკრეაციო სივრცეების, ტურისტული ობიექტებისა და მათი ინფრასტრუქტურის განვითარების გეგმების გასაცნობად ღია კარის დღე გამართა. ამის შესახებ „ინტერპრესნიუსს“ საქართველოს რეგიონული განვითარებისა და ინფრასტრუქტურის სამინისტროდან აცნობეს.

მათი ინფორმაციით, სამშენებლო და საპროექტო ორგანიზაციის წარმომადგენლებს დაგეგმილ ინფრასტრუქტურულ პროექტებზე ინფორმაცია მუნიციპალური განვითარების ფონდის აღმასრულებელმა დირექტორმა, გიორგი შენგელიამ მიაწოდა.

„პროექტის ფარგლებში დაგეგმილია სოფელ ველისციხის ცენტრალურ ქუჩაზე მდებარე 55-მდე საცხოვრებელი სახლის და სოფელ ველისციხის თეატრის და მოედნის რეაბილიტაცია-რეკონსტრუქცია, ქუთაისში 19 საუკუნის ისტორიული სახლებისა და დავით კაკაბაძის სახელობის გალერეის, სტეფანწმინდაში ცენტრის მიმდებარე ტერიტორიაზე ისტორიული სახლების და თელავში ისტორიულ შვიდ ბორცვს შორის დამაკავშირებელი მთავარი ქუჩის ტურისტული მარშრუტის რეაბილიტაცია. ასევე დაგეგმილია თელავის ცენტრალური მოედნის მიმდებარე ტერიტორიისა და „ბატონის ციხის“ დასავლეთ ნაწილში მდებარე მოედნის, ლაღამის უბანში არსებული შენობების, უშგულის თემში სოფელ ჩვიბიანსა და სოფელ ჟიბიანში არსებული სვანური კოშკების და ჩაჟაშის 3 სვანური კოშკის რესტავრაცია-რეკონსტრუქცია.

პირველ ეტაპზე დაგეგმილია საპროექტო დოკუმენტაციის შესყიდვა.

მუნიციპალური განვითარების ფონდის მიზანია, სატენდერო პროცედურები მეტად გამჭვირვალე და ეფექტიანი გახდეს, დაინტერესებულ კომპანიებს საშუალება ჰქონდეთ ტენდერის გამოცხადებამდე გაეცნონ პროექტებს, უკეთ მოემზადონ და კონკურენტულ გარემოში უზრუნველყოფილი იყოს ღია და თანაბარი პირობები“, - აღნიშნულია საქართველოს რეგიონული განვითარებისა და ინფრასტრუქტურის სამინისტროს მიერ გავრცელებულ ინფორმაციაში.

გიორგი ბილანიშვილი - ის, რაც ახლა საქართველოში ხდება, ერთმნიშვნელოვნად მოსკოვის ინტერესებში შედის
გიგი გიგიაძე - ხელისუფლება ვერ ახერხებს რუსულ კანონზე აბსოლუტური უმრავლესობის აზრის შეცვლას, დღითიდღე ფერები იცვლება და სულ უფრო მეტად ხდება ყველაფერი შავ-თეთრი
ქართული პრესის მიმოხილვა 02.05.2024
სილქნეტი „დაჭრილ მებრძოლთა თანადგომის ფონდის“ საქმიანობის ანგარიშს აქვეყნებს
კახა ოქრიაშვილი - იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე
GM PHARMA ტექნოლოგიურ განვითარებას აგრძელებს
ვებრძოლოთ სისუსტეს და ადვილად დაღლას - შევმატოთ ორგანიზმს სასიცოცხლო ენერგია
საქნახშირის მოპოვების მაჩვენებელმა ჯამში 1 000 000 ტონას მიაღწია