მუსლიმთა კავშირის თავმჯდომარე სამხედრო სამსახურში გაწვევის კანონპროექტზე - ის არის დისკრიმინაციული, რომელიც მართლმადიდებლურ ეკლესიას ანიჭებს უპირატესობას

მუსლიმთა კავშირის თავმჯდომარე ტარიელ ნაკაიძე აცხადებს, რომ სამხედრო სამსახურში გაწვევის შესახებ კანონპროექტი დისკრიმინაციულია, რომელიც მართლმადიდებლურ ეკლესიას ანიჭებს უპირატესობას.

როგორც ტარიელ ნაკაიძემ ჟურნალისტებს განუცხადა, მუსლიმები არ ითხოვენ პრივილეგიას, ისინი ითხოვენ თანასწორობას.

„კანონი ყველასთვის უნდა იყოს თანასწორი. ჩვენ არ უნდა დავუშვათ დისკრიმინაციის პრეცედენტი, რადგან როცა ამას დავუშვებთ, ამან შეიძლება სიმრავლის ფორმა მიიღოს. მსგავსი კანონპროექტები როცა საკუთრებას, საგადასახადო თემას ეხებოდა, ჩვენ გავასაჩივრეთ და საკონსტიტუციო სასამართლომ თქვა, რომ ისინი არის დისკრიმინაციული და პარლამენტს დაავალა, რომ გაესწორებინა, ყველასთვის თანაბარი საშუალება მიეცა.

ჩვენ ვერ დავუჭეთ მხარს ისეთ კანონპროექტებს, რომელიც პრაქტიკულად არათანაბარ პირობებში ჩააყენებს საქართველოს მოქალაქეებს“, - განაცხადა ნაკაიძემ და იქვე დასძინა, რომ ყველა სამართლებრივ გზას მიმართავენ იმისთვის, რომ კანონპროექტს კანონის სახე არ მიეცეს.

სამხედრო სავალდებულო სამსახურთან დაკავშირებით თავდაცვისა და უშიშროების კომიტეტის თავმჯდომარემ ირაკლი სესიაშვილმა ინიციატივა წარადგინა.

პროექტით კანონის ის ნორმა უქმდება, რომლის მიხედვით, პირები რომლებიც არიან მღვდელთმსახურები ან სასულიერო სასწავლებელში სწავლობენ, სამხედრო სავალდებულო სამსახურის გადავადების უფლებით სარგებლობენ.

როგორც ირაკლი სესიაშვილი განმარტავს, აღნიშნული ინიციატივა მართლმადიდებელ სასულიერო პირებზე არ გავრცელდება, რადგან მათთან დაკავშირებით კონკორდატით გათვალისწინებული წესი მოქმედებს. მისივე თქმით, პირები, რომლებიც სინდისის, აღმსარებლობისა და რწმენის თავისუფლების შესაბამისად უარს განაცხადებენ მოიხადონ სამხედრო სავალდებულო სამსახური, აქვთ კანონიერი უფლება და ვალდებულება სამხედრო სავალდებულო სამსახურის ნაცვლად, არასამხედრო, ალტერნატიული შრომითი სამსახური გაიარონ.

ირაკლი მელაშვილი - დღეს ევროპის ლანძღვა იმ ტოტის მოჭრაა, რაზეც ზის ჩვენი ქვეყანა, ევროპა და ამერიკა რომ არა, რუსეთი ისე გადაგვყლაპავდა, მსოფლიოში ხმას არავინ ამოიღებდა
ბადრი ჯაფარიძე - საზოგადოებამ არ უნდა მისცეს ხელისუფლებას საშუალება, დაასამაროს წინაპრების ოცნება, რომ ქვეყანამ ევროპულ ოჯახში უსაფრთხო ადგილი მოიპოვოს - ხალხმა უნდა გამოუტანოს განაჩენი „ოცნებას“ და არჩევნების გზით გაისტუმროს
ქართული პრესის მიმოხილვა 29.04.2024
ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
თბილისში, საბურთალოზე ახალი კლინიკა - ჟორდანიას სამედიცინო ცენტრი გაიხსნა
„ჩვენი ვეფხისტყაოსანი“- პრემიის მოსაპოვებლად აპლიკაციების მიღება დაიწყო
ხვიჩა მაქაცარია - გილოცავთ ბზობის დღესასწაულს და გისურვებთ მშვიდობას, სტაბილურობას და წინსვლას ევროპისკენ