ანაკლიის პროექტი არის მართლაც სახელმწიფო მნიშვნელობის პროექტი, ეს არის ეროვნული პროექტი, ამიტომ ამ პროექტის მიმართ ჩვენი ძალისხმევა იქნება ერთიანი, - ამის შესახებ თავდაცვის და უშიშროების კომიტეტის თავმჯდომარე ირაკლი სესიაშვილმა ჟურნალისტებს განუცხადა.

ირაკლი სესიაშვილი ოპოზიციას მოუწოდებს, ამ საკითხთან დაკავშირებით, უსაფუძვლო კრიტიკას შეეშვან.

„საჭიროა, აქ იყოს საქმიანი მიდგომა. ეს ყველას ინტერესში შედის. ამ პროექტმა მომავალში, მათ შორის ჩვენი ქვეყნის უსაფრთხოება უნდა უზრუნველყოს, როგორც ეკონომიკური, ასე პოლიტიკური თვალსაზრისით. ამიტომ, მე დარწმუნებული ვარ, რომ მინისტრი მაია ცქიტიშვილი ამომწურავად მოგვცემს ინფორმაციას“, - განაცხადა ირაკლი სესიაშვილმა.

შეგახსენებთ, პარლამენტში დღეს რეგიონული განვითარებისა და ინფრასტრუქტურის მინისტრის მაია ცქიტიშვილის მოსმენაა დაგეგმილი.