მამუკა ხაზარაძე "თიბისი ბანკზე" კიბერშეტევაზე - აღმოვაჩინეთ IP მისამართები, ქუჩის, ოფისის მისამართები და ეს ინფორმაცია გადავეცით შსს-ს
ზაფხულში მოხდა ჩვენს ბანკზე კიბერშეტევა. 400-ზე მეტი უნიჭიერესი ახალგაზრდა მუშაობს ამ მიმართულებით ჩვენს საინფორმაციო, უსაფრთხოების სამსახურებში და მათ აღმოაჩინეს - ამის შესახებ "თიბისი ბანკის" ერთ-ერთმა დამფუძნებელმა განაცხადა.
ხაზარაძის თქმით, მათ მაშინვე აცნობეს ამ ფაქტის შესახებ შესაბამის უწყებებს და ამ დრომდე გამოძიება მიმდინარეობს.
"აღმოვაჩინეთ არა მარტო სიგნალი, რომელიც მთელი დღის განმავლობაში მიმდინარეობდა და ეს იყო სერიოზული შეტევა, ასევე აღმოვაჩინეთ IP მისამართები, ქუჩის, ოფისის მისამართები და ეს ინფორმაცია მაშინვე გადავეცით შსს-ს. მეტ დეტალს ვერ გეტყვით. გამოძიება მიმდინარეობს," - განაცხადა ხაზარაძემ.
