ნინო ლომჯარია - ადამიანებმა, რომლებიც ირაკლი კვარაცხელიას საქმეს უკავშირდებიან, უნდა იგრძნონ, რომ მათი პასუხისმგებლობის საკითხი აუცილებლად დადგება

სახელმწიფომ სამართლებრივი და ყველა პოლიტიკური ბერკეტი უნდა გამოიყენოს იმისთვის, რომ ადამიანებმა, რომლებიც არიან ჩართული ასეთ საქმიანობაში, იგრძნონ, რომ მათთვის დღეს ან ხვალ აუცილებლად დადგება პასუხისმგებლობის საკითხი,- ამის შესახებ სახალხო დამცველმა ნინო ლომჯარიამ, ირაკლი კვარაცხელიას გატაცების და გარდაცვალების შესახებ საუბრისას განაცხადა.

"სახელმწიფომ უნდა გამოიყენოს ყველა შიდა და საერთაშორისო ბერკეტი იმისთვის, რომ ნამდვილად გამოიკვეთოს პასუხისმგებელი პირები და ამ საკითხზე მოხდეს, მათ შორის, საერთაშორისო რეაგირებაც. ჩვენ ვხედავთ, რომ წლების განმავლობაში სწორედ დაუსჯელობის სინდრომმა და იმის განცდამ, რომ არავის მოეკითხება პასუხი ჩადენილ დანაშაულებზე, ეს სინდრომი უწყობს ხელს იმას, რომ კვლავ გრძელდება ჩვენი თანამოქალაქეების მიმართ მსგავსი უკანონო ქმედებები ოკუპირებულ ტერიტორიებზე. ვფიქრობ, სახელმწიფომ სამართლებრივი და ყველა პოლიტიკური ბერკეტი უნდა გამოიყენოს იმისთვის, რომ ადამიანებმა, რომლებიც არიან ჩართული ასეთ საქმიაობაში, იგრძნონ, რომ მათთვის დღეს ან ხვალ აუცილებლად დადგება პასუხისმგებლობის საკითხი",- განაცხადა ლომჯარიამ.

ირაკლი კვარაცხელი რუსმა ოკუპანტებმა რამდენიმე კვირის წინ გაიტაცეს და ის გაურკვეველ ვითარებაში გარდაიცვალა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი