საქალაქო სასამართლოში, იუსტიციის სამინისტროს წინააღმდეგ „ადამიანის უფლებათა ცენტრის“ მიერ შეტანილი სარჩელის განხილვა მიმდინარეობს

თბილისის საქალაქო სასამართლოში, იუსტიციის სამინისტროს წინააღმდეგ სასამართლო პროცესი მიმდინარეობს. საქმე ეხება „ადამიანის უფლებათა ცენტრის“ მიერ იუსტიციის სამინისტროს წინააღმდეგ შეტანილ სარჩელს.

როგორც პროცესის დაწყებამდე „ინტერპრესნიუსს" „ადამიანის უფლებათა ცენტრის" წარმომადგენელმა, დიმიტრი ნოზაძემ განუცხადა, იუსტიციის სამინისტროს საჯარო ინფორმაციის გამოთხოვის მიზნით ორჯერ მიმართა, მაგრამ სამინისტრომ მოთხოვნილი საჯარო ინფორმაცია მათ არ მიაწოდა.

„ადამიანის უფლებათა ცენტრმა" იუსტიციის სამინისტროს გასული წლის პირველ ნოემბერს მიმართა მოთხოვნით, მიეწოდებინა ინფორმაცია, რამდენი მსჯავრდებული იმყოფება საქართველოს თითოეულ პენიტენციურ დაწესებულებაში. შემდეგ, განმეორებით, დეკემბერში მივმართეთ, თუმცა, არც ერთ ჩვენს მოთხოვნაზე, არანაირი სტატისტიკური ინფორმაცია არ მიგვიღია. იძულებული გავხდით, სასამართლოსთვის მიგვემართა და სასამართლოს ძალით გამოგვეთხოვა იუსტიციის სამინისტროდან აღნიშნული ინფორმაცია. ინფორმაცია საჯაროა, შესაბამისად, გაუგებარია, დღემდე რატომ არ მოგვაწოდა იუსტიციის სამინისტრომ აღნიშნული ინფორმაცია", - განაცხადა ნოზაძემ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ