ჩვენ გვყავს კოლეგები, რომლებიც შინაგანად გახარებულები და ვიზუალურად მოწყენილები საუბრობენ ამ ჩანაწერებზე, - ამის შესახებ დეპუტატმა ლევან გოგიჩაიშვილმა "ინტერპრესნიუსთან" საუბრისას, პირადი ცხოვრების ამსახველი კადრების გავრცელების საკითხზე კომენტირებისას განაცხადა.

დამოუკიდებელი დეპუტატის განცხადებით, მას ყოფილი თანაგუნდელების განცხადებების გულწრფელობაში ეჭვი ეპარება, რასაც საკითხზე, მათივე უმოქმედობა ადასტურებს. დეპუტატი განსაკუთრებულ უკმაყოფილებას გენდერის საკითხზე მომუშავე ჯგუფის მისამართით გამოხატავს, რომელიც მისი შეფასებით, არეალიდან გამქრალია.

"არ მრჩება განცდა, რომ ეს ადამიანები შეწუხებულები არიან. ისინი აკეთებენ ცინიკურ და არასასიამოვნო განცხადებებს, რაც მათ არ უხდება, თორემ ამ ადამიანს კადრებით ვერაფერი უქნეს და ერთი-ორი კაცი თუ რამეს დაუმატებს, ამით არაფერი შეიცვლება. ჩვენ გვყავს კოლეგები, რიმლებიც შინაგანად გახარებულები და ვიზუალურად მოწყენილები საუბრობენ ამ საკითხზე. ვსაუბრობ ყველა იმ ადამიანზე, ვინც საუბრობდა, არ მინახავს, ვნახავ და მერე გავაკეთებ განცხადებასო. გამქრალია გენდერის საბჭო, შს სამინისტრო," - განაცხადა ლევან გოგიჩაიშვილმა.