შშმ პირთა დასაქმების კუთხით ბოლო წლის განმავლობაში მაჩვენებელი გაუარესებულია. როგორ საქართველოს სახალხო დამცველმა ნინო ლომჯარიამ ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცხადა, საქართველოში სახელმწიფო პროგრამებით უფრო ნაკლები ადამიანი დასაქმდა, ვიდრე ეს წინა წლებში იყო.
„შშმ პირებითან მიმართებით უკუსვლა გვაქვს დასაქმების მაჩვენებლის მიმართულებით. ბოლო ინფორმაციით, ბოლო წლის განმავლობაში უფრო ნაკლები შშმ პირია დასაქმებული სახელმწიფო პროგრამების ფარგლებში, ვიდრე წინა წლის განმავლობაში და ესეც მიანიშნებს, რომ ეს პროგრამები, სამწუხაროდ, ეფექტურად არ ხორციელდება“,-განაცხადა ნინო ლომჯარიამ.