გასაკიცხი და ძალიან ცუდია, როდესაც ხდება ადამიანის პირადი ცხოვრების ხელყოფა,- ამის შესახებ ამერიკის შეერთებული შტატების ელჩის მოვალეობის შემსრულებელმა როს უილსონმა ჟურნალისტებს განუცხადა.

"პირადი ცხოვრების ამსახველი კადრების ხელახლა გავრცელებასთან დაკავშირებით ინფორმაცია ვნახე პრესაში. ეს რა თქმა უნდა, გასაკიცხი და ძალიან ცუდია, როდესაც ხდება ადამიანის პირადი ცხოვრების ხელყოფა და შესაბამისად მთავრობას, ხელისუფლებას აქვს ვალდებულება, დაიცვას ადამიანის პირადი ცხოვრება და მე ვფიქრობ, ეს საკითხი გამოძიებული იქნება ისე, როგორც ხელისუფლების წარმომადგენლები ამბობენ",- განაცხადა უილსონმა.