ქვეყანაში შრომის უფლებებისა და შრომითი უსაფრთხოების სტანდარტების არარსებობას სამოქალაქო აქტივისტები ხვალ, 19:00 საათზე, მთავრობის კანცელარიასთან გააპროტესტებენ.

აქციის ორგანიზებას „სოლიდარობის ქსელი“ გეგმავს, რომლის წარმომადგენლები ჭავჭავაძის გამზირზე, ტრაგედიის ადგილას მივიდნენ.

როგორც ჟურნალისტებს აქტივისტმა ირაკლი კუპრაძემ განუცხადა, მსგავსი ტრაგედიები ერთეული შემთხვევა აღარ არის და თითქმის ყოველ კვირა იღუპებიან ადამიანები მშენებლობებზე, მაღაროებსა თუ რკინიგზაზე.

„ეს არის დაუსრულებელი პროცესი, რომელზეც ხელისუფლებას გავლენა არ აქვს. შრომის ინსპექციას არანაირი რესურსი არ გააჩნია ამ ყველაფერს წინ აღუდგეს“, - განუცხადა ჟურნალისტებს ირაკლი კუპრაძემ.