საპრეზიდენტო არჩევნების კრახის შემდეგ, ბიძინა ივანიშვილისთვის ნებისმიერი ძლიერი ოპოზიციური კანდიდატი, რომელსაც ჩვენ აუცილებლად წარვადგენთ ზუგდიდში, ძალიან დიდი საფრთხეა და ამის საწინააღმდეგოდ ცდილობს, ასეთი სამარცხვინო კამპანია აწარმოოს, - ამის შესახებ „ნაციონალური მოძრაობის“ წევრმა თინა ბოკუჩავამ ბიძინა ივანიშვილის სამეგრელოში სტუმრობის შეფასებისას განაცხადა.

მისივე თქმით, ივანიშვილს რომ ელექტორალურად ძალიან გაუჭირდა, ეს საპრეზიდენტო არჩევნებმაც დაამტკიცა.

„გვახსოვს როგორ იხვეწებოდა ბიძინა ივანიშვილი ხმებს პირველ ტურსა და მეორე ტურს შორის. შემდგომ, მას მოუწია მოსყიდვის და დაშინების სპცოპერაციის ჩატარება იმისთვის, რომ საპრეზიდენტო სკამი ეყიდა სალომე ზურაბიშვილისთვის“, - განაცხადა ბოკუჩავამ.

იხილეთ ვიდეო