ადვოკატის ინფორმაციით, საპროტესტო აქციაზე დაკავებულები ხელწერილით გაათავისუფლეს
საია-ს ადვოკატის მიხელ ჯახუას ინფრომაციით, საპროტესტო აქციაზე დაკავებულები ხელწერილის საფუძველზე გათავისუფლდნენ. ადვოკატის განცხადებით, მას არ ჩაბარებია საქმის მასალები და მისთვის ამ ეტაპზე უცნობია ის, თუ კონკრეტულად რა მტკიცებულებები გააჩნია შსს-ს დაკავებულთა წინააღმდეგ.
ადვოკატისთვის ასევე უცნობია, თუ როდის გაიმართება სასამართლო პროცესი.
რაც შეეხება შსს-ს, როგორც „ინტეპრესნიუსს“ პრესსამსახურში განუცხადეს, აქციის მონაწილეები საზოგადოებრივი წესრიგისა და პოლიციელის კანონიერი მოთხოვნის დაუმორჩილებლობისთვის ადმინისტრაციული სამართალდარღვევათა კოდექსის 166-ე და 173-ე მუხლებით დააკავეს.
არსებული ინფორმაციით, შინაგან საქმეთა სამინისტროს მტკიცებულების სახით სამხრე კამერების ჩანაწერები აქვს, რომელსაც , სავარაუდოდ, სასამართლო პროცესზე მტკიცებულის სახით წარმოადგენს.
შეგახსენებთ, რომ საპროტესტო აქციაზე სულ 6 პირი დააკავეს, ექვსივე მათგანი ამ დროისთვის გათავისუფლებულია. მათ უფლებებს რამდენიმე არასამთავრობო ორგანიზაცია დაიცავს.
v-if="article.gallery" v-html="article.gallery"
