თბილისის მერიის შპს „ეკოსერვის ჯგუფი“ ზვიად გამსახურდიას სანაპიროს (მტკვრის მარჯვენა სანაპირო) მიმდებარედ არსებულ გამწვანებულ ფერდობზე დასუფთავებისა და მოწესრიგების მასშტაბურ სამუშაოებს ახორციელებს.
როგორც „ინტერპრესნიუსს“ თბილისის მერიიდან აცნობეს, აღნიშნული ტერიტორია ამონაყრისგან და ლელქაშისაგან გაიწმინდება. ფერდობზე გაისხლება და დაფორმირდება ხე-მცენარეები, მოწესრიგდება მწვანე-საფარი.
მათივე ინფორმაციით, აღნიშნული თარგების მოწესრიგება რამდენიმე წლის განმავლობაში არ განხორციელებულა.
შპს “ეკოსერვის ჯგუფი“ უზრუნველყოფს მუნიციპალიტეტის საზღვრებში არსებული გამწვანებული ტერიტორიების, დასასვენებელი ადგილების, ხე-მცენარეების, შადრევნების, სასმელი წყლის სოკოს ფორმის შადრევნების და სხვა ინფრასტრუქტურის მოვლა-პატრონობას.
