აშშ-ის პრეზიდენტი დონალდ ტრამპი მზადაა, საჭიროების შემთხვევაში სამხრეთ საზღვარი ჩაკეტოს.

როგორც დონალდ ტრამპმა განაცხადა, მექსიკის მხრიდან ამერიკის საზღვარს ბოლო დღეების განმავლობაში ათასობით ადამიანი მიაწყდა და თუ ამის შესაჩერებლად მექსიკა არაფერს გააკეთებს, მაშინ საზღვრის ჩაკეტვის საკითხი დღის წესრიგში დადგება.

მოგვიანებით, თეთრი სახლის ადმინისტრაციამ განმარტა, რომ მექსიკას იმიგრაციის ნაკადის მართვაში უდიდესი პასუხისმგებლობა აკისრია. „ჩვენ ვხედავთ როგორ ახერხებს მექსიკა მიგრანტების შეჩერებას, რათა მათ არ გადმოკვეთონ საზღვარი და არ გადმოვიდნენ აშშ-ში. ეს ძალიან გვეხმარება და ვისურვებდით, რომ ეს ასე გაგრძელდეს“, - განაცხადა თეთრი სახლის პრესსპიკერმა.

შეგახსენებთ, დონალდ ტრამპს მექსიკის საზღვარზე მიგრანტების შესაჩერებლად კედლის აშენება სურს.