"ვითიბი ბანკი" მომხმარებელს თანხის მობილურის ნომრით ან ელფოსტით გადარიცხვას სთავაზობს

"ვითიბი ბანკი" ბარათიდან ბარათზე თანხის გადარიცხვის სერვისს ამარტივებს. გადარიცხვა უკვე შესაძლებელია მიმღების არასაბანკო რეკვიზიტების - ტელეფონის ნომრის ან ელფოსტის მისამართის მითითებით.

როგორც „ინტერპრესნიუსს“ „ვითიბი ბანკიდან“ აცნობეს, მომსახურება ხელმისაწვდომია საქართველოში რეგისტრირებული ნებისმიერი ბანკის Visa-ს და Mastercard-ის ბარათების მფლობელი კლიენტებისთვის.

„გადარიცხვის შესასრულებლად თანხის გამგზავნმა აპლიკაციაში უნდა შეიყვანოს საკუთარი ბარათის 16 ციფრიანი ნომერი, მოქმედების ვადა და CVV2/CVC2 კოდი, ასევე მიმღების მობილური ტელეფონის ნომერი ან ელ. ფოსტის მისამართი.

დავალების რეგისტრაციისთანავე მიმღებს მითითებულ ტელეფონის ნომერზე ან ელ.ფოსტის მისამართზე გაეგზავნება საინფორმაციო შეტყობინება ტრანზაქციის შესახებ და ინტერაქტიულ ბმული. ბმულზე გადასვლით მიმღები შეძლებს თანხის სასურველ ბარათზე ჩარიცხვას. ის ასევე უფლებამოსილი იქნება გაააქტიუროს თანხის ავტომატურად ჩარიცხვის ფუნქცია და მიმართოს თანხა ბარათზე ყოველგვარი დამატებითი ქმედების განხორციელების გარეშე.

სერვისით სარგებლობა შესაძლებელია ნებისმიერ დროს (24/7), საიტზე: www.hub.vtb.ge

თანხის გადარიცხვა დაშვებულია მხოლოდ ლარში. მიმღების ბარათზე თანხა აისახება მომენტალურად“, - ნათქვამია აღნიშნულ ინფორმაციაში.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს