მადრიდში აფეთქების შედეგად 16 ადამიანი დაშავდა
მადრიდში, მაღალსართულიან საცხოვრებელ სახლში, სავარაუდოდ, გაზის აფეთქების შედეგად, 16 ადამიანი დაშავდა, ბოლო, მე-16 სართული კი მთლიანად დაინგრა. ამის შესახებ ადგილობრივი მედია იუწყება.
მადრიდის სამაშველო სამსახურში განაცხადეს, რომ სახლიდან, სადაც 78 ოჯახი ცხოვრობს, ყველა მცხოვრების ევაკუაცია განხორციელდა.
მათივე ცნობით, აფეთქების მიუხედავად, საშიშროება იმისა, რომ სახლის კონსტრუქცია ჩამოიშალოს, არ არსებობს. თუმცა, კორპუსში სერიოზული სარემონტო სამუშაოები იქნება ჩასატარებელი.
20.04.2019 / 22:32
20.04.2019 / 22:32
