დავით ზალკალიანი აშშ-ის სახელმწიფო მდივნის მოადგილეს შეხვდა

ვაშიგტონში ვიზიტის ფარგლებში საქართველოს საგარეო საქმეთა მინისტრმა დავით ზალკალიანმა შეხვედრა გამართა აშშ-ის სახელმწიფო მდივნის მოადგილესთან საერთაშორისო უსაფრთხოებისა და შეიარაღების კონტროლის საკითხებში ანდრეა ტომპსონთან, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, შეხვედრაზე მხარეებმა მიმოიხილეს საქართველო-აშშ-ის სტრატეგიული პარტნიორობის დღის წესრიგში არსებული საკითხები. აშშ-ის მხრიდან კიდევ ერთხელ გამოიხატა საქართველოს ევროატლანტიკური ინტეგრაციის, სუვერენიტეტისა და ტერიტორიული მთლიანობის მტკიცე მხარდაჭერა.

შეხვედრაზე მაღალი შეფასება მიეცა ვაშინგტონში გამართულ ნატოს მინისტერიალზე მიღებულ გადაწყვეტილებებს, რომლის ფარგლებშიც, ალიანსი შავი ზღვის უსაფრთხოების სფეროში ავითარებს თანამშრომლობას საქართველოსთან სხვადასხვა მიმართულებით.

მხარეებმა მაღალი შეფასება მისცეს თავდაცვისა და უსაფრთხოების სფეროში საქართველო-აშშ-ის თანამშრომლობას.

შეხვედრაზე საუბარი ასევე შეეხო რეგიონის უსაფრთხოებას, საქართველოს ოკუპირებულ ტერიტორიებზე შექმნილ მდგომარეობას. მინისტრმა აშშ-ის სახელმწიფო მდივნის მოადგილეს მიაწოდა ინფორმაცია ადგილზე ადამიანის უფლებების დარღვევის გახშირებულ შემთხვევებზე.

დავით ზალკალიანი 2019 წლის 3-6 აპრილს სამუშაო ვიზიტით ვაშინგტონს სტუმრობს და შეხვედრებს მართავს აშშ-ის აღმასრულებელი და საკანონმდებლო ხელისუფლების წარმომადგენლებთან. მინისტრმა მონაწილეობა მიიღო ნატო-ს მინისტერიალთან დაკავშირებით ატლანტიკური საბჭოს, მარშალის ფონდისა და მიუნხენის უსაფრთხოების კონფერენციის მიერ გამართულ ღონისძიებაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს