მე გპირდებით, რომ ანაკლიის ღრმაწყლოვანი პორტის პროექტი აუცილებლად შედგება, - ამის შესახებ პრემიერ-მინისტრმა მამუკა ბახტაძემ ზუგდიდში, მერის რიგგარეშე არჩევნებზე „ქართული ოცნების“ კანდიდატის წარდგენაზე სიტყვით გამოსვლისას განაცხადა. როგორც ბახტაძემ აღნიშნა, მას არაერთი სპეკულაცია ესმის პორტის მშენებლობასთან დაკავშირებით. პრემიერმა მოსახლეობას პროექტის დასრულების პირობა მისცა.
„მე ბევრი სპეკულაცია მესმის ანაკლიის შესახებ. მინდა სრული პასუხისმგებლობით კიდევ ერთხელ გითხრათ, როგორც ადამიანმა, რომელსაც ძალიან დიდი დრო და ენერგია აქვს დახარჯული იმისთვის, რომ ანაკლია შედგეს - მე გპირდებით, რომ ანაკლიის ღრმაწყლოვანი პორტის პროექტი აუცილებლად შედგება. შედგება ჩვენი ქვეყნის საკეთილდღეოდ“, - განაცხადა მამუკა ბახტაძემ.
იხილეთ ვიდეო: გპირდებით, რომ ანაკლიის ღრმაწყლოვანი პორტის პროექტი აუცილებლად შედგება