ისრაელში ვადამდელი საპარლამენტო არჩევნები მიმდინარეობს
ისრაელში ვადამდელი საპარლამენტო არჩევნები მიმდინარეობს. საარჩევნო უბნები ადგილობრივი დროით 07:00 საათზე გაიხსნა.
ქვეყნის მასშტაბით სამი ათასზე მეტი საარჩევნო უბანია გახსნილი. არჩევნების შედეგებზე დამოკიდებული იქნება შესძლებს თუ არა პარტია „ლიკუდის“ ლიდერი და ქვეყნის პრემიერი ბენიამინ ნეთანიაჰუ მეხუთედ გახდეს პრემიერ-მინისტრი.
მისი მთავარი კონკურენტი ისრაელის თავდაცვითი ძალების გენერალური შტაბის ყოფილი ხელმძღვანელი გენერალი ბენი განცია.
ისრაელის ქნესეთში 120 ადგილზე 40-მდე პარტია იბრძვის. როგორც წესი, ცალკე აღებული პარტია არასოდეს იღებს მთავრობის ფორმირებისთვის საჭირო მანდატებს და ამიტომ კოალიციური მთავრობის ფორმირება ხდება. ხმის მიცემა პარტიული სიების მიხედვით ხდება.
საპარლამენტო არჩევნევბის შედეგების ოფიციალურად გამოცხადების შემდეგ ისრაელის პრეზიდენტი რეუვენ რივლინი პარლამენტში გასულ პარტიებთან კონსულტაციებს გამართავს.
v-if="article.gallery" v-html="article.gallery"
