ირანის პრეზიდენტი - ამერიკის შეერთებული შტატები მსოფლიოში ტერორიზმის გავრცელებაში მთავარ როლს თამაშობს
ირანის პრეზიდენტმა ჰასან რუჰანიმ განაცხადა, რომ „აშშ ტერორიზმის გამავრცელებელია“. მისივე თქმით, აშშ-ს პრეზიდენტის დონალდ ტრამპის გადაწყვეტილება ირანის ისლამური რევოლუციის გუშაგთა კორპუსის ტერორისტულ ორგანიზაციად აღიარების შესახებ, შეცდომაა.
„აშშ მთავარ როლს თამაშობს მსოფლიოს მასშტაბით ტერორიზმის გავრცელებაში. ამერიკამ შეცდომა დაუშვა, როდესაც ისლამური რევოლუციის გუშაგთა კორპუსი ტერორისტულ ორგანიზაციად აღიარა. ამ გადაწყვეტილების შემდეგ, გუშაგთა კორპუსის პოპულარობა ირანელ ხალხს შორის მხოლოდ გაიზრდება“, - განაცხადა ირანის პრეზიდენტმა.
ჰასან რუჰანის განცხადებით, ირანის ისლამური რევოლუციის გუშაგთა კორპუსი „ყოველთვის ებრძოდა ტერორისტებს ახლო აღმოსავლეთში, ერაყში და სირიაში“.
ირანის პრეზიდენტმა ხაზგასმით აღნიშნა, რომ აშშ-ს ზეწოლა ირანზე არ იძლევა იმ შედეგებს, რომელსაც ვაშინგტონი ელოდება.
v-if="article.gallery" v-html="article.gallery"
