PACE-ს თავმჯდომარე - მინდა მივულოცო საქართველოს ხელისუფლებას და მოსახლეობას ძალიან დიდი გზის გავლა, რომელიც ევროინტეგრაციით დასრულდება

მინდა მივულოცო საქართველოს ხელისუფლებას და მოსახლეობას ამ ორი ათწლეულის განმავლობაში ძალიან დიდი გზის გავლა, რომელიც ევროინტეგრაციით დასრულდება, - ამის შესახებ ევროპის საბჭოს საპარლამენტო ასამბლეის თავმჯდომარე ლილიან მორი პასკიემ პრემიერ-მინისტრის მამუკა ბახტაძის გამოსვლამდე მისასალმებელ სიტყვაში განაცხადა. პასკიემ ხაზი გაუსვა დღევანდელი დღის ისტორიულობას და აღნიშნა, რომ 20 წელი გავიდა მას შემდეგ, რაც საქართველო ევროსაბჭოს წევრი ქვეყანა გახდა.

„ეს არის განსაკუთრებული ღონისძიება იმდენად, რამდენადაც საერთო ღირებულებებზე, დემოკრატიაზე, სამართლის უზენაესობაზე გვექნება საუბარი. ეს ძალიან სიმბოლური დღეა იმდენად რამდენადაც, ჩვენ მოგესალმებით ევროსაბჭოში საქართველოს გაწევრიანების 20 წლის იუბილეზე. როგორც მოგეხსენებათ, ჩვენი ასამბლეა მხარს უჭერს საქართველოში დემოკრატიულ ცვლილებებს, მას შემდეგ რაც თქვენ გაწევრიანდით საბჭოში. მინდა მივულოცო საქართველოს ხელისუფლებას და მოსახლეობას ამ ორი ათწლეულის განმავლობაში საქართველოს მიერ ძალინ დიდი გზის გავლა, რომელიც ევროინტეგრაციით დასრულდება, რომელიც მხარს უჭერს უფრო ძლიერ დემოკრატიას და კეთილდღეობას“, - განაცხადა ევროპის საბჭოს საპარლამენტო ასამბლეის თავმჯდომარემ.

ზაზა ფირალიშვილი - უბრალოდ, ივანიშვილს  ვერ წარმოუდგენია, რომ თავადაც ძველი ხელისუფლების მსგავსი შეცდომები მოსდის
ქართული პრესის მიმოხილვა 18.11.2019
ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო