„ქართული ოცნება - დემოკრატიული საქართველო" წარმოადგენს ერთიან მონოლითურ პოლიტიკურ პარტიას, საიდანაც კონკრეტული წევრების წასვლა არ მიანიშნებს იმაზე, რომ პარტიაში რაიმე სახის კრიზისია, - ასე აფასებს "ქართული ოცნების" წევრი დავით მათიკაშვილი "ქართული ოცნებიდან" ვახტანგ შაქარიშვილისა და ჯაბა ჯიშკარიანის წასვლის საკითხს.

დავით მათიკაშვილის თქმით, მმართველი პარტია არის ერთიანი და მთლიანი, რომელიც 2020 წელს, ამომრჩევლის წინაშე აუცილებლად წარსდგება.

„კონკრეტული პირების მიერ პარტიის დატოვება მოხდა. ეს არ არის პირველი შემთხვევა. შეგიძლიათ გადახედოთ მსოფლიოს წამყვანი ქვეყნების პოლიტიკურ ისტორიებს, როდესაც მმართველი პარტიიდან ხდება ზოგიერთი წევრის გასვლა მათი პირადი პოლიტიკური შეხედულების გამო. ეს მათი საქმეა. მათ პოლიტიკური გადაწყვეტილება მიიღეს",- განაცხადა მათიკაშვილმა.