„ლიბერთი ბანკზე“ ყაჩაღური თავდასხმის ფაქტზე დაკავებული სამ პირიდან ერთ-ერთმა, გურამ ხვადაგიანმა ბრალი აღიარა. აღნიშნულის შესახებ „ინტერპრესნიუსს“ ხვადაგიანის ადვოკატმა, ლამარა ბზიშვილმა განუცხადა.

როგორც ის განმარტავს, დღევანდელ სასამართლო სხდომაზე მან მისი დაცვის ქვეშ მყოფის მიმართ აღკვეთის ღონისძიების სახით 4 000-ლარიანი გირაოს გამოყენება მოითხოვა. თუმცა, სასამართლომ აღნიშნული შუამდგომლობა არ დააკმაყოფილა.

რაც შეეხება დანარჩენ ორ პირს, ნიკოლოზ ჯანიაშვილსა და ამირან ლაკვახელიანს, ისინი დუმილის უფლებას იყენებენ. სამივე მათგან სასამართლომ დღეს აღკვეთის ღონისძიების სახით პატიმრობა შეუფარდა.

ცნობისთვის, მიმდინარე წლის 19 აპრილს, დილის საათებში, სამი შეიარაღებული ნიღბიანი პირი "ლიბერთი ბანკის" ვარკეთილის ფილიალს თავს დაესხა. მათ იარაღის მუქარით გაიტაცეს თანხა 2045 ლარის ოდენობით და მიიმალნენ.