ჟურნალისტ ზაზა სვანაძეს, რომელიც სამართალდამცავებმა მუქარის ბრალდებით დააკავეს, აღკვეთის ღონისძიების სახით სასამართლომ პატიმრობა შეუფარდა.
აღნიშნული გადაწყვეტილება თბილისის საქალაქო სასამართლომ გუშინ მიიღო. დაცვის მხარემ სასამართლო სხდომაზე სვანაძის 2 000-ლარიანი გირაოს სანაცვლოდ გათავისუფლების შუამდგომლობა დააყენა, თუმცა, სასამართლომ ადვოკატის შუამდგომლობა არ დააკმაყოფილა.
დაცვის მხარე სასამართლოს გადაწყვეტილებას გაასაჩივრებს.
ზაზა სვანაძე სამართალდამცავებმა 20 აპრილს დააკავეს. მას ნავთობისა და გაზის კორპორაციის საზოგადოებასთან ურთიერთობის სამსახურის ხელმძღვანელის, ნინო ჯღარკავას შვილის მიმართ მუქარას ედავებიან. გამოძიება სისხლის სამართლის კოდექსის 151-ე მუხლით მიმდინარეობს, რაც მუქარას გულისხმობს.