სანდრა რულოვსი - ვაპირებ, რომ ზუგდიდში მცხოვრებ ქალებთან განსაკუთრებული ყურადღება რეპროდუქციულ ჯანმრთელობას დავუთმო
მე ვაპირებ, რომ ზუგდიდში მცხოვრებ ქალებთან განსაკუთრებული ყურაღება დავუთმო რეპროდუქციულ ჯანმრთელობას, - ამის შესახებ გაერთიანებული ოპოზიციის ზუგდიდის მერობის კანდიდატმა სანდრა რულოვსმა ქალთა უფლებებსა და საჭიროებებზე მომუშავე არასამთავრობო ორგანიზაციების წარმომადგენლებთან შეხვედრის შემდეგ განაცხადა.
სანდრა რულოვსსა და მესამე სექტორის წარმომადგენლებს შორის შეხვედრაზე ყურადღება ზუგდიდში ქალებისთვის სერვისების ხელმისაწვდომობისა და დასაქმების პრობლემებზე გამახვილდა.
„შევხვდი ქალთა უფლებების დაცვის ორგანიზაციებს. ვისაუბრეთ ზოგადად ქალთა პრობლემებზე - რეპროდუქციული ჯანმრთელობა, სერვისების ხელმისაწვდომობა, დასაქმება, თუ რამდენი ქალია დასაქმებული არამარტო ზუგდიდში, არამედ ზოგადად ქვეყანაში. მირჩიეს, რომ მესაუბრა ზუგდიდშიც ქალების ფოკუს -ჯგუფების ფორმატში, რომ გავიგო, თუ რა არის ყველაზე დიდი პრობლემა. არსებობს კვლევები, სადაც პირველ ადგილზე არის ოჯახური ძალადობის პრობლემა, ასევე პრობლემას წარმოადგენს სექსუალური შევიწროება, აბორტი. ხშირად არის პრობლემები რეპროდუქციულ ჯანმრთელობასთან დაკავშირებით, რაც ჩემი დარგია. მე ვაპირებ, რომ ზუგდიდში მცხოვრებ ქალებთან განსაკუთრებული ყურადღება დავუთმო რეპროდუქციულ ჯანმრთელობას",-განაცხადა სანდრა რულოვსმა.
v-if="article.gallery" v-html="article.gallery"
