„მწვანე ალტერნატივის“ წარმომადგენელი - საქართველოს არ აქვს ენერგოპოლიტიკა

პირდაპირ ვიტყვი, საქართველოს არ აქვს ენერგოპოლიტიკა, მითუმეტეს არ აქვს ენერგეტიკის განვითარების სტრატეგიული გეგმა, - ამის შესახებ „ინტერპრესნიუსს“ „მწვანე ალტერნატივის" წარმომადგენელმა დათო ჭიპაშვილმა ენერგეტიკის სექტორში არსებული ვითარების კომენტირებისას განუცხადა.

ჭიპაშვილი არ ეთანხმება სამთავრობო სექტორისა და ექსპერტთა გარკვეული ნაწილის შეფასებებს, რომ მუდმივად იზრდება ელექტროენერგიის მოხმარება და ამიტომ ახალი ენერგოსიმძლავრეებია სააჭირო და ამის არგუმენტად მიმდინარე წლის იანვარ-თებერვალში ელექტროენერგიის მოხმარების შემცირებას ასახელებს.

„იანვარში ელექტროენერგიის მოხმარება 8.7%-ითაა შემცირებული, რაც მნიშვნელოვანი კლებაა. იმ პირობებში, რომ სულ გვარწმუნებდნენ აქამდე, რომ ელექტროენერგიის მოხმარება იზრდება, საინტერესოა ახლა რა მიზეზით შემცირდა და როგორია სტრატეგია ამ კუთხით, ასევე რამდენადაა ჩართული სტრატეგის შემუშავებაში ყველა დაინტერესებული მხარე,“ - განაცხადა დავით ჭიპაშვილმა.

ამასთან, ჭიპაშვილი ენერგოსექტრთან დაკავშირებული მნიშვნელოვანი გადაწყვეტილებებისა და კანონების შემუშავების პროცესში დაინტერესებული მხარეების არასაკმარის ჩართულობაზე და ენერგოსექტორში ამ მხრივ არსებულ გაუმჭვირვალობაზეც საუბრობს.

„საუბარია ენერგეტიკის ახალ კანონმდებლობაზე, რომელიც პარლამენტს უნდა წარედგინოს, მაგრამ ამ კანონპროექტის სამუშაო ვერსია თვალით არავის უნახავს. გამჭვირვალობა და დაინტერესებული მხარეების, მათ შორის იმ მოსახლეობის, ვისაც ეს პროექტები უშუალოდ ეხება, ჩართულობა ასეთი მნიშვნელოვანი პოლიტიკური დოკუმენტების მომზადების პროცესში მაღალ დონეზე უნდა იყოს. მსგავსად, ენერგოეფექტურობის სამოქმედო გეგმა, რომელიც ჯერ კიდევ 2014 წელს უნდა წარმოდგენილიყო, დღემდე გარკვეული ვიწრო ჯგუფის გარდა, არავის უნახავს,“ -განმარტა ჭიპაშვილმა.

ამასთან, ჭიპაშვილი აკრიტიკებს ენერგოსექტორში გარანტირებული შესყიდვის პირობით ხელშეკრულებების დადებას და ხელშეკრულებების კონფიდენციალურ ხასიათს. მისი თქმით, ეს საბაზრო მოდელს ამახინჯებს, რაც პირდაპირ ეწინააღმდეგება ენერგოთანამეგობრობის მოთხოვნებს და არსებული პოლიტიკის პირობებში ენერგოთანამეგობრობის წინაშე ნაკისრი ვალდებულებების შესრულებას ეჭვქვეშ აყენებს.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს