მოსამართლეს არაფერი ესაქმება პოლიტიკურ განხილვებსა და პოლიტიკურ ჭიდილში, როგორც ჩანს, რამდენიმე მოსამართლეს ამის გააზრების სერიოზული პრობლემა აქვს, - ასე აფასებს პარლამენტის პირველი ვიცე-სპიკერი, თამარ ჩუგოშვილი გუშინ გამართულ სატელევიზიო დებატს, რომელშიც მოსამართლე ლევან მურუსიძე მონაწილეობდა. თამარ ჩუგოშვილის განცხადებით, მოსამართლეთა პოლიტიკურ ველზე შესვლა სასამართლო ხელისუფლებისთვის დამაზიანებელია.
„არ ვიცი ვისი იდეა იყო გუშინდელი დებატების გამართვა. მოსამართლის ჩართვა პოლიტიკურ დებატებში იყო ცუდი იდეა. მოსამართლეს არაფერი ესაქმება პოლიტიკურ განხილვებსა და პოლიტიკურ ჭიდილში, როგორც ჩანს რამდენიმე მოსამართლეს ამის გააზრების სერიოზული პრობლემა აქვს. ვფიქრობ, ამ ადამიანებისთვის არის დამაზიანებელი, მაგრამ ამას არ ვდარდობ, ვინაიდან ეს პირველ რიგში სასამართლო სისტემას აზიანებს“, - განაცხადა თამარ ჩუგოშვილმა.