შალვა შავგულიძე - ხელისუფლებამ არც ერთი დანაპირები არ შეასრულა

„ევროპული საქართველოს“ და „თავისუფალი დემოკრატების“ მაჟორიტარი დეპუტატობის კანდიდატი მთაწმინდის ოლქში შალვა შავგულიძე ქიქოძის ქუჩის მცხოვრებლებს შეხვდა. როგორც „ინტერპრესნიუსს“ „ევროპული საქართველოდან“ აცნობეს, ხალხი შავგულიძეს უმუშევრობის, მოხსნილი სოციალური დახმარების, ავარიული სახლების და სხვა სოციალური პრობლემების შესახებ ესაუბრა.

ქიქოძის ქუჩის მცხოვრებლების განცხადებით, ამორტიზებული და საცხოვრებლად უვარგისი შენობები გვერდზე მდგომს სახლებსაც უქმნის პრობლემებს, საკრებულო და მერია კი რეაბილიტაციისთვის თანხის გამოყოფას არ აპირებს.

„მთაწმინდელები უკმაყოფილო არიან იმის გამო, რომ ხელისუფლებამ არ შეასრულა არც ერთი დაპირება, რაც ასე უხვად გასცა ჯერ წინასაარჩევნო პერიოდში და შემდეგ უკვე საპარლამენტო არჩევნების დროს. მე ვფიქრობ, ეს მუხტი იმდენად ძლიერია, რომ რაც არ უნდა ხრიკებს მიმართოს ხელისუფლებამ არჩევნების შედეგების მის სასარგებლოდ შემოსატრიალებლად, არაფერი გამოუვა“, - განაცხადა შალვა შავგულიძემ.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 28.01.2020
თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა