„თავისუფალი საქართველოს“ ზესტაფონის მერობის კანდიდატი გოგი წულაია ამომრჩევლებთან შეხვედრებს განაგრძობს. წულაია დღეს პარტიის ლიდერთან, კახა კუკავასთან ერთად სადგურ სვირსა და შორაპანში მოსახლეობას შეხვდა. ამის შესახებ „ინტერპრესნიუსს“ „თავისუფალი საქართველოდან აცნობეს“.

„იმის მიუხედავად, რომ ხელისუფლება ხშირად საუბრობს წარმატებულ ინფრასტრუქტურულ პროექტებზე, ზესტაფონის მუნიციპალიტეტის სოფლების დიდ ნაწილს კვლავ არ მიეწოდება ბუნებრივი აირი, რაც მოქალაქეებისთვის განსაკუთრებით მნიშვნელოვან პრობლემას წარმოადგენს.

მერობის კანდიდატმა ამომრჩეველს გააცნო საარჩევნო პროგრამა და საკუთარი ხედვები მუნიციპალიტეტში დაგროვილი პრობლემების გადაჭრის გზებზე“, - აღნიშნულია „თავისუფალი საქართველოს“ მიერ გავრცელებულ ინფორმაციაში.