დავით კირვალიძე FAO-ს ხელმძღვანელის არჩევნებში მიიღებს მონაწილეობას

საქართველოს სოფლის მეურნეობის ყოფილი მინისტრი დავით კირვალიძე, გაერო-ს სურსათისა და სოფლის მეურნეობის ორგანიზაციის (FAO)-ს ხელმძღვანელის არჩევნებში მიიღებს მონაწილეობას.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, FAO-ს ახალი ლიდერის არჩევნები, 23 ივნისს, რომში გაიმართება. მანამდე კი, დავით კირვალიძე, გაეროს შტაბ-ბინაში, მსოფლიოს უმაღლესი რანგის ხელმძღვანელ პირებსა და ელჩებს შეხვდა, სადაც მან ორგანიზაციის (FAO) სამომავლო გეგმებზე ისაუბრა და აღნიშნა, რომ მცირე პაუზის შემდეგ ის გაორმაგებული ენერგიით უბრუნდება თავის საქმეს.

შეხვედრაზე დავით კირვალიძემ FAO- ს ტრანსფორმაციისა და სამომავლო ცვლილებების განხორციელების კუთხით თავისი ხედვა წარადგინა. საქართველოს სოფლის მეურნეობის ყოფილი მინისტრი გაერო-ს სურსათისა და სოფლის მეურნეობის ორგანიზაციაში (FAO) ახალი რეფორმების განხორციელებისთვის ემზადება.

დავით კირვალიძე FAO- ს „შესაძლებლობების შემქმნელ ორგანიზაციას" უწოდებს და ხაზგასმით აღნიშნავს, რომ აუცილებელია საჯარო და კერძო სექტორს შორის პარტნიორული ურთიერთობების კიდევ უფრო განვითარება.

ნიუ-იორკში, გაერთიანებული ერების ორგანიზაციის პრესკონფერენციაზე FAO-ს ხელმძღვანელობის ქართველმა კანდიდატმა განაცხადა, რომ ის მსოფლიოს ყველაზე ღარიბ რეგიონებში ინოვაციების დანერგვასა და ახალი ინვესტიციების განხორციელებას შეუწყობს ხელს.

მისი ინიციატივით ყოველწლიურად გაიმართება საინვესტიციო კონფერენცია, ახალგაზრდა ლიდერებს საშუალება ექნებათ მსოფლიოს საუკეთესო უნივერსიტეტებში, კვალიფიკაციის ამაღლების მიზნით გაიარონ სტაჟირება, ასევე ელექტრონული კომერციის წარმოების ხელშეწყობის მიზნით შეიქმნება სპეციალური ოფისი.

სამინისტროს ცნობით, დავით კირვალიძე საკუთარ მრავალწლიან გამოცდილებას სწრაფი და ეფექტიანი გადაწყვეტილების მიღებაში გამოიყენებს. ის სიღარიბისა და შიმშილის დაძლევის მიზნით ბიზნესზე ორიენტირებულ მიდგომას ირჩევს და ხაზგასმით აღნიშნავს, რომ აუცილებლად დაასრულებს ბიუროკრატიულ მმართველობას FAO- ში .

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“