რომის პაპი - არ დახუჭოთ თვალები და არ დახუროთ გულები ლტოლვილებისთვის, რომლებიც კარზე მოგიკაკუნებენ

რომის პაპი ბულგარელებს მოუწოდებს, ღია გულით და კარით დახვდნენ ლტოლვილებს. პონტიფიკოსი ევროკავშირის ყველაზე ღარიბ ქვეყნაში 5 მაისს ჩავიდა. მას აეროპორტში ბულგარეთის პრემიერი ბოიკო ბორისოვი დახვდა.

„მე დიდი პატივისცემით გთავაზობთ, რომ არ დახუჭოთ თვალები და არ დახუროთ გულები მათთვის, ვინც კარზე მოგიკაკუნებთ, როგორც ეს თქვენს საუკეთესო ტრადიციებს შეესაბამება“, - განაცხადა რომის პაპმა.

პაპი დედაქალაქ სოფიასთან ახლოს მდებარე ლტოლვილთა ბანაკს ეწვია, ბანაკში იგი დაახლოებით 50 ლტოლვილსა და მის შვილებს შეხვდა, რომლებსაც კათოლიკური საქველმოქმედო ორგანიზაცია დაეხმარა. აღნიშნულ ლოტლვილთა ბანაკში სირიიდან, ავღანეთიდან და ერაყიდან ჩასული მიგრანტები იმყოფებიან.

რომის პაპი აღმოსავლეთ ევროპაში სამდღიანი ვიზიტით იმყოფება, იგი აპირებს ჩრდილოეთ მაკედონიასაც ეწვიოს.

იხილეთ ვიდეო: რომის პაპი ბულგარელებს მოუწოდებს ღია გულებით და კარებით დახვდნენ ლტოლვილებს

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ