დავით ბაგრატიონ-მუხრანელი ამ წუთებში, თბილისის მთავარ სამმართველოში გამოკითხვაზე მივიდა. ის საგამოძიებო უწყებაში ყოფილ მეუღლეზე, ანა ბაგრატიონ-გრუზინსკზე განხორციელებული შესაძლო ძალადობის ფაქტთან დაკავშირებით დაწყებული გამოძიების ფარგლებში მისცემს ჩვენებას.
დავით ბაგრატიონ-მუხრანელი საქართველოში ესპანეთიდან რამდენიმე დღის წინ ჩამოვიდა.
როგორც მისი უფლებადამცველი ლევან მახარაშვილი აცხადებს, დავით ბაგრატიონ-მუხრანელი საგამოძიებო უწყებაში ნებაყოფლობით გამოცხადდა.
საგამოძიებო უწყებას დავით ბაგრატიონ-მუხრანელთან მის ყოფილ მეუღლეზე, ანა ბაგრატიონ-გრუზინსკზე შესაძლო ფიზიკურ ძალადობასთან, ასევე თავისუფლების უკანონოდ აღკვეთასთან დაკავშირებით აქვს კითხვები.
გამოძიება სისხლის სამართლის კოდექსის 126-ე მუხლის მეორე ნაწილით მიმდინარეობს, რაც გულისხმობს ძალადობას, რომელიც არასრულწლოვნის თანდასწრებით განხორციელდა.
იხილეთ ვიდეო: დავით ბაგრატიონ-მუხრანელი თბილისის მთავარ სამმართველოში გამოკითხვაზე მივიდა