ინტერნეტით ნარკოტიკების რეალიზაციისთვის დაკავებული ოჯახის ერთ-ერთი წევრის ადვოკატი - ჩემი დაცვის ქვეშ მყოფი ამბობს, რომ ცოტა ნარკოტიკი ჰქონდა

ინტერნეტით ნარკოტიკების რეალიზაციისთვის დაკავებული ერთი ოჯახის ოთხივე წევრს აღკვეთის ღონისძიების სახით პატიმრობა შეეფარდათ. ბრალდებულებიდან ერთ-ერთი ანა აბრამიძე დუმილის უფლებას იყენებს და დანაშაულს არ აღიარებს. როგორც „ინტერპრესნიუსს“ მისმა ადვოკატმა მარიამ პაპოშვილმა განუცხადა, ბრალდებული მძიმე ემოციურ მდგომარეობაში, ვინაიდან სამართალდამცველებმა მისი ოჯახის ყველა წევრი დააკავეს.

„მთელი ოჯახია დაკავებული, მისი მეუღლე და ორი ვაჟიშვილი, ამაზე ძალიან შეწუხებულია და ტირის. ამბობს, რომ ცოტა ნარკოტიკული საშუალება კი ჰქონდა, თუმცა აცხადებს, რომ იმდენი არ ჰქონია, რამდენიც სახლიდან ამოიღესო“, - აღნიშნა მარიამ პაპოშვილმა.

ადვოკატის ინფორმაციით, მისი დაცვის ქვეშ მყოფი გამოძიებასთან გარკვეულწილად თანამშრომლობს და მასთან სასჯელაღსრულების დაწესებულებაში შესულ გამომძიებლებს დნმ-ის ნიმუში ჩააბარა.

შინაგან საქმეთა სამინისტრომ ინტერნეტით ნარკოტიკების რეალიზაციის მასშტაბური სქემა გამოავლინა. საქმეზე დაკავებულია 7 პირი, რომელთა შორის, 4 ბრალდებული ერთი ოჯახის წევრია: დედა, მამა და 2 შვილი.

შსს-ს ინფორმაციით, 7-კაციანი ორგანიზებული ჯგუფი წინასწარ შემუშავებული გეგმის მიხედვით მოქმედებდა. კერძოდ, ისინი ინტერნეტით ახდენდნენ ნარკოტიკული საშუალებების უკანონო რეალიზაციას. ჩატარებული მასშტაბური ოპერაციის შედეგად, ორგანიზებული ჯგუფისგან ამოღებულია 2 125 შეკვრად დაფასოებული სხვადასხვა სახის ნარკოტიკული საშუალება.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ