ევროპარლამენტის ხელმძღვანელი ანტონიო ტაიანი ევროკავშირის უშიშროების საბჭოს შექმნის ინიციატივით გამოვიდა. ამის შესახებ მან დღევანდელ პრესკონფერენციაზე რუმინეთში, ევროკავშირის მეთაურთა სამიტის ფარგლებში განაცხადა, რომელიც ქალაქ სიბიუში გაიმართა.

„რაც შეეხება თავდაცვით პოლიტიკას, ჩვენი პრიორიტეტია ის, რომ გავაძლიეროთ საგარეო პოლიტიკა მუდმივი უშიშროების საბჭოს იდეით, რომელსაც უხელმძღვანელებდა ევროკავშირის უმაღლესი წარმომადგენელი საგარეო და საერთაშორისო საკითხებში“, - განაცხადა ანტონიო ტაიანიმ.

მანვე აღნიშნა, რომ ევროკავშირმა არ უნდა განაგრძოს გადაწყვეტილებების მიღება ზოგიერთ საკითხებზე ერთსულოვნად.

„უნდა გადავიდეთ ხმათა უმრავლესობით კენჭისყრაზე“ , - აღნიშნა ტაიანიმ.