დავით ზალკალიანი აღმოსავლეთ პარტნიორობისა  და ევროკავშირის წევრი ქვეყნების საგარეო საქმეთა მინისტერიალში მონაწილეობს

საქართველოს საგარეო საქმეთა მინისტრი დავით ზალკალიანი 13-14 მაისს, ბრიუსელში, მონაწილეობას მიიღებს ევროკავშირისა და აღმოსავლეთ პარტნიორობის ქვეყნების საგარეო საქმეთა მინისტერიალში, ხოლო საქართველოს პრემიერ-მინისტრთან ერთად, „აღმოსავლეთ პარტნიორობის“ 10 წელთან დაკავშირებით დაგეგმილ მაღალი დონის ღონისძიებებში.

როგორც „ინტერპრესნიუსს“ საგარეო საქმეთა სამინისტროდან აცნობეს, ,,აღმოსავლეთ პარტნიორობის’’ მინისტერიალს გაუძღვება ევროკომისიის ვიცე-პრეზიდენტი, საგარეო და უსაფრთხოების საკითხებში ევროკავშირის უმაღლესი წარმომადგენლი, ფედერიკა მოგერინი; მონაწილეობას მიიღებს ასევე ევროპული სამეზობლო პოლიტიკისა და გაფართოების მოლაპარაკების საკითხებში ევროკომისრის იოჰანეს ჰანი.

სამინისტროს ინფორმაციით, შეხვედრაზე მინისტრები შეაფასებენ 2017 წლის ,,აღმოსავლეთ პარტნიორობის’’ სამიტზე მიღებული გადაწყვეტილებების შესაბამისად ბოლო ერთი წლის განმავლობაში მიღწეულ პროგრესს. მსჯელობა ასევე წარიმართება 2020 წლის შემდგომ თანამშრომლობის ახალ პერსპექტივებზე, რომლებიც ევროკავშირისა და პარტნიორი ქვეყნების ურთიერთობებს კიდევ უფრო განამტკიცებს, პარტნიორი ქვეყნების ინტერესებისა და ამბიციების შესაბამისად.

ამასთანავე, დაგეგმილია ევროპული სამეზობლო პოლიტიკისა და გაფართოების მოლაპარაკების საკითხებში ევროკომისრის, იოჰანეს ჰანის, ასევე ევროპის რეკონსტრუქციისა და განვითარების (EBRD) და ევროპის საინვესტიციო ბანკების (EIB) წარმომადგენლების შეხვედრა „აღმოსავლეთ პარტნიორობის“ ქვეყნების საგარეო საქმეთა მინისტრებთან. საქართველოს მხრიდან შეხვედრაში მონაწილეობას მიიღებს საგარეო საქმეთა მინისტრი დავით ზალკალიანი. შეხვედრაზე მხარეები ისაუბრებენ ,,აღმოსავლეთ პარტნიორობის’’ ქვეყნებისთვის ევროკავშირის დახმარების ინსტრუმენტებსა და სამომავლო პროექტებზე.

მინისტერიალის ფარგლებში დავით ზალკალიანი ორმხრივ შეხვედრებს გამართავს კოლეგა მინისტრებთან.

ბრიუსელში, ევროკომისიისა და ევროკავშირის საბჭოს თავმჯდომარე ქვეყნის რუმინეთის თანაორგანიზებით გაიმართება მაღალი დონის კონფერენცია, რომელშიც მონაწილეობას მიიღებს საქართველოს პრემიერ-მინისტრი მამუკა ბახტაძე. ღონისძიება დაეთმობა „აღმოსავლეთ პარტნიორობის“ არსებობის 10 წლის განმავლობაში მიღწეული შედეგების შეფასებას და ,,აღმოსავლეთ პარტნიორობის’’ მომდევნო ათწლეულის საერთო ხედვებზე, პერსპექტივებსა და მექანიზმებზე მსჯელობას.

საზეიმო ღონისძიებების ფარგლებში, პარტნიორობის 10 წლისთავთან დაკავშირებით, ბრიუსელის „ნატიფი ხელოვნების“ სასახლეში იგეგმება საიუბილეო კონცერტი, სადაც მაყურებლების წინაშე წარსდგებიან 6 პარტნიორი ქვეყნის, მათ შორის, საქართველოს მუსიკალური შემსრულებლები. საქართველოდან ღონისძიებაში მონაწილეობას მიიღებს ახალგაზრდა პიანისტი პაპუნა შარიქაძე.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა