სოსო ფხაკაძე რეგულაციებზე - საბანკო სისტემასთან მიმართებაში ნეგატიურ შედეგებს ვერ ვხედავთ - დეველოპერები და საყოფაცხოვრებო ტექნიკის გაყიდვაზე მომუშავე კომპანიები, პრობლემებს გრძნობენ

დაპირება მივიღეთ, რომ მომავალი თვეების განმავლობაში გაგრძელდება ანალიზი და თუ რამე გადასახედი იქნება რეგულაციებთან დაკავშირებით, ეროვნული ბანკი გამოთქვამს მზაობას, რომ ეს მოხდება, - ამის შესახებ საქართველოს ბიზნეს ასოციაციის პრეზიდენტმა სოსო ფხაკაძემ ეროვნული ბანკის პრეზიდენტ კობა გვენეტაძესა და ასოციაციის წევრი კომპანიების წარმომადგენლებს შორის რამდენიმესაათიანი შეხვედრის დასრულების შემდეგ განაცხადა.

ბიზნეს ასოციაციის პრეზიდენტის თქმით, ასოციაციის წევრი კომპანიების წარმომადგენლები პასუხისმგებლიანი დაკრედიტების ძირითად პრინციპებზე თანხმდებიან, თუმცა სოსო ფხაკაძე მიიჩნევს,რომ ანალიზი და დაკვირვება პროცესზე აუცილებლად უნდა გაგრძელდეს. მისივე თქმით, როგორც კი ბიზნესში მტკივნეული პრობლემა იქნება შემჩნეული, აღნიშნულს ბიზნეს ასოციაცია ეროვნული ბანკის წინაშე ღიად დააფიქსირებს

„ის, რომ ქვეყანაში უნდა იყოს პასუხისმგებლიანი დაკრედიტების პრინციპები დანერგილი და სესხის გაცემა კლიენტის გადახდისუნარიანობის კარგი ანალიზისა და შეფასებიდან გამომდინარე უნდა მოხდეს, ამაში ჩვენ საერთო პოზიცია გვაქვს. ეს იმას ნიშნავს, რომ რეგულაციების შემოღებაზე ვთანხმდებით, მაგრამ ყველაზე მნიშვნელოვანი ამ ყველაფერთან ერთად არის ის, რომ მომავალი თვეების განმავლობაში დავაკვირდეთ, როგორ ასახვას ჰპოვებს რეგულაციები ამა თუ იმ სექტორზე. გამოიკვეთა ორი სექტორი, სადაც არსებობს გარკვეული შეკითხვები, ამიტომ მნიშნველოვანია ძალიან ღია საუბარი. დავაყენეთ მნიშვნელოვანი საკითხები. მივიღეთ ამომწურავი პასუხები და იყო პროფესიონალური დისკუსია.

მივიღეთ მზაობა და დაპირება, რომ მომავალი თვეების განმავლობაში გაგრძელდება ანალიზი. ამ ანალიზისა და კონკრეტულად ციფრებზე დაყრდნობით, თუ რამე გადასახედი იქნება რეგულაციებთან დაკავშირებით ეროვნული ბანკი გამოთქვამს მზაობას, რომ ეს მოხდება“,-განაცხადა სოსო ფხაკაძემ.

მისივე თქმით, რეგულაციებთან დაკავშირებით კომუნიკაცია მსგავს ფორმატში მომავალი დღეების განმავლობაშიც გაგრძელდება.

„საბანკო სისტემასთან მიმართებაში თუ შევხედავთ მაჩვენებლებს, ვერ ვხედავთ ნეგატიურ შედეგებს, მაგრამ არის ორი ინდუსტრია - დეველოპერები და საცალო სექტორში მომუშავე კომპანიები, საყოფაცხოვრებო ტექნიკის კუთხით, რომლებიც პრობლემებს გრძნობენ. ჩვენ ბიზნესის განვითარება თუ გვინდა, ბუნებრივია, ყველა სექტორს უნდა დავუჭიროთ მხარი. აქედან გამომდინარეა, რომ გვინდა მომავალში დავაკვირდეთ და პროფესიული ანალიზის საფუძველზე მიიღოს ეროვნულმა ბანკმა შესაბამისი გადაწყვეტილება“, -განაცხადა ფხაკაძემ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“