დეზინფორმაციის და პროპაგანდის საკითხებზე თემატური მოკვლევის ჯგუფმა სუს-ის  უფროსის მოადგილეს გრიგოლ ლილუაშვილს მოუსმინა

დეზინფორმაციის და პროპაგანდის საკითხებზე თემატური მოკვლევის ჯგუფმა სახელმწიფო უსაფრთხოების სამსახურის უფროსის მოადგილე, გრიგოლ ლილუაშვილთან შეხვედრა გამართა, - ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, ზეპირი მოსმენის მთავარ საკითხს წამოადგენდა, თუ როგორ მუშაობს და რა პოლიტიკა აქვს სახელმწიფო უსაფრთხოების სამსახურს დეზინფორმაციისა და პროპაგანდის წინააღმდეგ საბრძოლველად, რა აქტივობებს ახორციელებს და როგორ თანამშრომლობს სხვა სახელმწიფო უწყებებთან რუსული დეზინფორმაციის კამპანიის გავლენების შესამცირებლად.

„დეზინფორმაციისა და პროპაგანდის საკითხებზე მოკვლევის დაწყება გარკვეულწილად, განაპირობა სახელმწიფო უსაფრთხოების სამსახურის ბოლო წლების ანგარიშებში ამ გამოწვევების, როგორც ქვეყნის ინტერესების წინააღმდეგ მიმართულ საფრთხეზე მითითებამ. ბუნებრივია, მოკვლევის პროცესში ერთ-ერთი ყველაზე მნიშვნელოვანი უწყება, რომელიც ყველაზე სრულ ინფორმაციას ფლობს თუ როგორც მუშაობს დეზინფორმაციისა და პროპაგანდის სისტემა საქართველოში სწორედ, ეს უწყებაა. ამიტომ, დღევანდელი შეხვედრა შეეხებოდა იმ საკითხებს თუ რა საპასუხო ღონისძიებებს ახორციელებს სახელმწიფო უსაფრთხოების სამსახური საფრთხეების შესამცირებლად, როგორი კოორდინაცია არსებობს მათსა და აღმასრულებელი ხელისუფლების სხვა უწყებებს შორის ერთიანი პოლიტიკის, ურთიერთშეთანხმებული მექანიზმების განსაზღვრის კუთხით და როგორი შეიძლება იყოს ამ პროცესში პარლამენტისა და პოლიტიკური პარტიების როლი და მონაწილეობა“- განაცხადა ნინო გოგუაძემ.

მოკვლევის პროცესის ბოლოს, ჯგუფი საგარეო ურთიერთობათა კომიტეტისთვის წარსადგენად დასკვნას და რეკომენდაციების პროექტს შეიმუშავებს.

თემატური მოკვლევის ჯგუფის წევრებიდან მთავარი მომხსენებლის, ნინო გოგუაძის გარდა, შეხვედრას ირინა ფრუიძე, დიმიტრი ცქიტიშვილი, გიორგი ხატიძე, გიორგი კანდელაკი, გიორგი ბოკერია და ჯგუფის მკვლევარი გიორგი გობრონიძე ესწრებოდნენ.

პროექტის მხარდამჭერია ვესტმინსტერის ფონდი დემოკრატიისთვის (WFD) .

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას