თამარ ხულორდავა სლოვაკეთის საგარეო საქმეთა სამინისტროს სახელმწიფო მდივანს ფრანჩიჟეკ რუჟიჩკას შეხვდა

ევროპასთან ინტეგრაციის კომიტეტის თავმჯდომარე, თამარ ხულორდავა კომიტეტის თავმჯდომარის პირველ მოადგილესთან, ირინე ფრუიძესთან ერთად სლოვაკეთის საგარეო საქმეთა სამინისტროს სახელმწიფო მდივანს ფრანჩიჟეკ რუჟიჩკას, სლოვაკეთის საგარეო საქმეთა სამინისტროს შტაბის უფროსს მიხალ კომადას, სლოვაკეთის თავდაცვის სამინისტროს სახელმწიფო მდივანს რობერტ ანდრეიჩაკს და სლოვაკეთის რესპუბლიკის ელჩს საქართველოში პაველ ვიზდალს შეხვდა - ამის შესახებ „ინტერპრესნიუსს“ საქართველოს პარლამენტიდან აცნობეს..

შეხვედრაზე, მხარეებმა ორ ქვეყანას შორის არსებულ ურთიერთობებსა და ამ ურთიერობების კიდევ უფრო გაღრმავებაზე ისაუბრეს. ხაზი გაესვა ეკონომიკური თანამშრომლობის გაძლიერებას.

ევროპასთან ინტეგრაციის კომიტეტის თავმჯდომარემ ჩვენი ქვეყნის საგარეო პრიორიტეტზე - საქართველოს ევროკავშირში გაწევრიანებაზე ისაუბრა და ამ თვალსაზრისით, სტუმრებს ქვეყანაში მიმდინარე და გატარებული რეფორმები გააცნო.

„დღეს საქართველო აგრძელებს იმ კურსს, რომელიც ევროკავშირთან დაგვაახლოვებს. ევროკავშირი არის ის სივრცე, რომლის ნაწილიც ჩვენ გვინდა რომ ვიყოთ. იმედი გვაქვს, გატარებული რეფორმების შედეგად, საქართველო ევროკავშირის სრულფასოვანი წევრი გახდება. ამ პროცესში უმნიშვნელოვანესი ინება სლოვაკეთის მხარდაჭერა“, - აღნიშნა თამარ ხულორდავამ შეხვედრისას.

სტუმრებმა კომიტეტის წევრებს ევროინტეგრაციის პროცესში სლოვაკეთის გამოცდილება გაუზიარეს. მხარეებმა, ევროპულ ინტეგრაციასთან დაკავშირებით სტრატეგიული კომუნიკაციის მნიშვნელობაზე ისაუბრეს.

შეხვედრისას, ასევე განიხილეს ორმხრივი ურთიერთობების დღის წესრიგში არსებული საკითხები. ყურადღება გამახვილდა რეგიონში არსებულ ვითარებაზე. მხარეებმა ხაზგასმით აღინიშნეს, რომ ევროკავშირისათვის სტრატეგიული მნიშვნელობა აქვს ევროკავშირის მეზობელი ქვეყნების უსაფრთხოებას.

მხარეებმა, დეზინფორმაციისა და პროპაგანდის წინააღმდეგ ბრძოლის მექანიზმებზე ისაუბრეს.

ქართულმა მხარემ სტუმრებს მიაწოდა ინფორმაცია იმის შესახებ, თუ როგორ იბრძვის საქართველოს ხელისუფლება ამ გამოწვევის დასაძლევად.

თამარ ხულორდავამ სტუმრებს მადლობა გადაუხადა სლოვაკეთის მიერ საქართველოს ტერიტორიული მთლიანობისა და სუვერენიტეტის ასევე, ევროპული და ევროატლანტიკური ინტეგრაციის გზაზე ჩვენი ქვეყნის მტკიცე მხარდაჭერისთვის.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას