სოფიო ხორგუანი - ხმაურის აკრძალვის შესახებ მოქმედი კანონი არ მუშაობს

მთაწმინდის მაჟორიტარი დეპუტატობის დამოუკიდებელი კანდიდატი, სოფიო ხორგუანი, საქართველოს პარლამენტის მიერ 2017 წლის ივნისში, ხმაურის აკრძალვის შესახებ დამტკიცებულ კანონს ეხმაურება და აღნიშნავს, რომ ეს კანონი დღეს უმოქმედოა.

მისი განმარტებით, არსებული კანონმდებლობის მიმართ მოქალაქეები მხოლოდ უკმაყოფილებას გამოთქვამენ, რადგან კანონის მიღებამ ვითარება ვერ შეცვალა და ქმედითი ღონისძიებების განხორციელების საჭიროება კვლავ დღის წესრიგში დგას.

,,თუ კანონი რეალურად არ იმუშავებს, მხოლოდ ფორმალური არსებობით, ვერც საქართველოს კონსტიტუციით აღიარებულ ადამიანის ძირითად უფლებას (ცხოვრობდეს ჯანმრთელობისათვის უვნებელ გარემოში) დაიცავს და ვერც კანონის საერთაშორისო სტანდარტებთან ჰარმონიზაცია განხორციელდება. აქედან გამომდინარე, საჭიროა, გამკაცრდეს პასუხისმგებლობა და შეიცვალოს სამართალდამრღვევის გამოვლენის მექანიზმი“, - განაცხადა სოფიო ხორგუანმა.

მოქმედი კანონისთვის მეტი სიცოცხლისუნარიანობის მინიჭების მიზნით, დამოუკიდებელმა კანდიდატმა დედაქალაქის მერს, კახა კალაძეს კონკრეტული ინიციატივით მიმართა და ევროპული ქვეყნების გამოცდილებების მიხედვით შემუშავებული წინადადებები შესთავაზა.

„გვაქვს შესაძლებლობა, ევროპული გამოცდილების გათვალისწინებით, შევქმნათ ჯანმრთელობისათვის უვნებელი გარემო. ვიმედოვნებ, თბილისის მერის მიზანია, ვიცხოვროთ ქვეყანაში, სადაც დაცული იქნება საქართველოს კონსტიტუცია, ადამიანის უფლებები და სამართლის ნორმები; სადაც გაიზრდება ნდობა ადმინისტრაციული ორგანოს მიმართ და მყარი სამართლებრივი წესრიგი დამკვიდრდება.

ვინაიდან მუნიციპალური ინსპექცია ხმაურთან დაკავშირებით უფლებამოსილ ადმინისტრაციულ ორგანოს წარმოადგენს და არსებული ხარვეზების თაობაზე, სწორი მუშაობის პირობებში, ყველაზე მეტი ინფორმაცია სწორედ მერიას უნდა ჰქონდეს. ამიტომ მისგან კანონიერ, საჭირო, დროულ, ეფექტურ და ეფექტიან გადაწყვეტილებებს ველოდებით”, - განაცხადა ხორგუანმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ