პარლამენტის პლენარულ სხდომაზე, სადაც თემირლან მაჩალიკაშვილის საქმეზე დროებით საგამოძიებო კომისიის შექმნის ინიციატივა განიხილეს, აღნიშნულ საკითხზე უმრავლესობის მხრიდან პოზიცია არც ერთ დეპუტატს არ გამოუხატავს.

პარლამენტის დროებითი საგამოძიებო კომისიის შექმნას მხარი დაუჭირეს „ევროპული საქართველოს“ წევრებმა. დამოუკიდებელმა დეპუტატმა ლევან გოგიჩაიშვილმა განაცხადა, რომ კომისიის შექმნის მომხრეა. კომისიის შექმნის საკითხის მიმართ ასევე მხარდაჭერა გამოხატა დეპუტატმა ემზარ კვიციანმა.

პარლამენტის პლენარულ სხდომაზე საკითხის განხილვისას სიტყვით უმრავლესობის არც ერთი წევრი არ გამოსულა.

პანკისის ხეობაში ჩატარებულ სპეცოპერაციისას მაჩალიკაშვილის მკვლელობის საქმეზე დროებითი საგამოძიებო კომისიის შექმნის ინიციატივით და შესაბამისი დადგენილების პროექტით პარლამენტს ფრაქცია “ნაციონალურმა მოძრაობამ“ მიმართა.