უმსხვილესი ლიბანური სამშენებლო კომპანია საქართველოში ინფრასტრუქტურული პროექტების განხორციელებით ინტერესდება

საქართველოს სავაჭრო-სამრეწველო პალატაში უმსხვილესი ლიბანური სამშენებლო კომპანია ,,ჰომანის“ წარმომადგენელს უმასპინძლეს.

როგორც „ინტერპრესნიუსს“ სავაჭრო-სამრეწველო პალატიდან აცნობეს, შეხვედრაზე, პალატის მომსახურებისა და რეგიონული განვითარების დეპარტამენტის დირექტორმა გიორგი ვეკუამ ,,ჰომანის“ წარმომადგენელს საქართველოს საინვესტიციო პოტენციალისა და ქვეყანაში მიმდინარე და დაგეგმილი ინფრასტრუქტურული პროექტების შესახებ მიაწოდა ინფორმაცია, მათ შორის, საგზაო სამუშაოებისა და ანაკლიის ღრმაწყლოვანი პორტის შესახებ.

კომპანიის ბიზნესის განვითარების მენეჯერი ჯორჯიო რიზკი დაინტერესდა საქართველოს საგადასახადო სისტემის თავისებურებებით, ასევე მიიღო ინფორმაცია თავისუფალი ვაჭრობის იმ ხელშეკრულებების შესახებ, რომლებიც ქართული პროდუქციის მრავალმილიონიან ბაზრებზე წვდომას უზრუნველყოფს. შეხვედრაზე, ლიბანური კომპანიის წარმომადგენელმა საქართველოში პოტენციური პარტნიორების მოძიებისა და გრძელვადიანი თანამშრომლობის სურვილი გამოხატა.

საქართველოს სავაჭრო-სამრეწველო პალატის ორგანიზებით, ,,ჰომანის“ მენეჯერი შეხვედრებს გამართავს ეკონომიკისა და ინფრასტრუქტურისა და რეგიონული განვითარების სამინისტროებში, ასევე შეხვდება ინფრასტრუქტურის მშენებელთა ასოციაციის წევრებს.

პალატაში დღეს გამართულ შეხვედრას, საქართველოს საპატიო კონსული ლიბანში მარსელ-დავიდ ხოზამიც ესწრებოდა.

30 წლიანი გამოცდილების მქონე კომპანია „ჰომანი“ ინფრასტრუქტურულ პროექტებს ლიბანში, აფრიკასა და შუა აზიის ქვეყნებში ახორციელებს. ,,ჰომანი“ გზების, საირიგაციო სისტემების, ხიდებისა და სხვა სპეციფიკის სამშენებლო სამუშაოებზე სპეციალიზირდება.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ