იმპერატორ ნარუჰიტოს ტახტზე ასვლის აღსანიშნავად, საქართველოში იაპონიის საელჩოში მილოცვების სამახსოვრო წიგნი გაიხსნება. როგორც „ინტერპრესნიუსს“ საელჩოდან აცნობეს, იმპერატორი ნარუჰიტოს ტახტზე ასვლის აღსანიშნავად, იაპონიის საელჩო ელჩის რეზიდენციაში 15 მაისს, მთავრობის და დიპლომატიური კორპუსის წარმომადგენლებისთვის მიღებას გამართავს.

ამასთან, საელჩოს ინფორმაციით, 16 და 17 მაისს, 14:00-17:00 საათზე, მილოცვების სამახსოვრო წიგნი განთავსდება იაპონიის საელჩოში, (კრწანისის ქუჩა 7დ), სადაც ნებისმიერი მსურველი შეძლებს მისვლას.