პარლამენტში რელიგიასთან დაკავშირებულ საკითხებზე შექმნილი სამუშაო ჯგუფის შეხვედრა მიმდინარეობს. შეხვედრა, რომელშიც სხვადასხვა რელიგიური კონფესიების წარმომადგენლები მონაწილეობენ მედიისთვის დახურულია.

სამუშაო ფორმატში ასევე ჩართულია არასამთავრობო ორგანიზაციები.

„რამდენი შეხვედრაც იქნება საჭირო, იმდენ შეხვედრას გავმართავთ, იმისთვის, რომ გვქონდეს კარგი წარმოდენა, თუ რა პოზიცია აქვთ სხვადასხვა რელიგიურ კონფესიებს სხვადასხვა პრობლემურ საკითხებზე. შევეცდებით მათი პრობლემები მაქსიმალურად გავითვალისწინოთ. პროცესი არის რთული და ხანგრძლივი. ჩვენი მიზანია, საქართველოში რელიგიის თავისუფლების გარანტიები დაცული იყოს“, - განუცხადა ჟურნალისტებს ადამიანთა უფლებათა დაცვის კომიტეტის თავმჯდომარემ სოფიო კილაძემ.