საფრანგეთში ბასკური სეპარატისტული დაჯგუფება „ეტა“-ს ლიდერი ჯოსუ ტერნერა დააკავეს. ამის შესახებ ინფორმაციას „ბიბისი“ ავრცელებს. 17-წლიანი ძებნის შემდეგ, ტერნერა ფრანგმა და ესპანელმა პოლიციელებმა საფრანგეთის ალპებში, კურორტ სალანჩესზე დააკავეს. მას ბრალად სეპარატისტული ორგანიზაციის წევრობა და ათობით მკვლელობა ედება.
შეგახსენებთ, რომ „ეტა“ სეპარატისტული ორგანიზაცია იყო, რომლის მიზანსაც ბასკეთის ესპანეთისგან გამოყოფა და დამოუკიდებელი სახელმწიფოს შექმნა წარმოადგენდა. 2018 წელს მათ განაცხადეს, რომ არსებობას წყვეტენ. აღსანიშნავია, რომ არსებობის 60 წლის განმავლობაში „ეტა“-ს მიერ ორგანიზებულ ტერაქტებს ასობით ადამიანი შეეწირა.