ISFED შუალედურ არჩევნებს 250-მდე მოკლევადიანი დამკვირვებლისა და 10 მობილური ჯგუფის მეშვეობით დააკვირდება
სამართლიანი არჩევნებისა და დემოკრატიის საერთაშორისო საზოგადოება (ISFED) 2019 წლის 19 მაისის შუალედურ არჩევნებს
250-მდე მოკლევადიანი დამკვირვებლისა და 10 მობილური ჯგუფის მეშვეობით დააკვირდება. ამის შესახებ „ინტერპრესნიუსს“ სამართლიანი არჩევნებისა და დემოკრატიის საერთაშორისო საზოგადოებაში აცნობეს. „ISFED-ის დამკვირვებლები ყველა საარჩევნო უბანზე იქნებიან წარმოდგენილი ზუგდიდის, მარნეულისა და მთაწმინდის ოლქებში, სადაც არჩევნებს ხმების პარალელური დათვლის (PVT) მეთოდოლოგიით დააკვირდებიან, რაც დარღვევების მყისიერად აღმოჩენის, არჩევნების დღის პროცესის სისტემურად შეფასებისა და ოფიციალური შედეგების სიზუსტის გადამოწმების შესაძლებლობას იძლევა.“-ნათქვამია ინფორმაციაში.
მათივე ინფორმაციით, ISFED არჩევნების დღეზე დაკვირვების შედეგებს მედიასა და საზოგადოებას განცხადებებისა და პრესკონფერენციების მეშვეობით გააცნობს:
v-if="article.gallery" v-html="article.gallery"
