აჰმედ იმამკულიევი - მარნეულში, კანდიდატის მეუღლე არიგებდა ინდურ ბრინჯს და ზეთს - დღეს ელოდებიან, რომ ინდური ხმები მოვა

დღეს ჩვენ ხმა მივეცით მარნეულის მომავალს, - ამის შესახებ ჟურნალისტებს "ევროპული საქართველოს" მარნეულის მერობის კანდიდატმა აჰმედ იმამკულიევმა განუცხადა.

მან საკუთარი პოლიტიკური არჩევანი მარნეულის მუნიციპალიტეტის N67-ე საარჩევნო უბანზე დააფიქსირა.

"დღეს მარნეულის მუნიციპალიტეტში არის მერობის კანდიდატების შუალედური არჩევნები და დღეს ჩვენ ხმა მივეცით მარნეულის მომავალს. მარნეულის იმ მომავალს, რომელიც დემოკრატიული, ევროპული საქართველოა და რომელიც ევროპის ქვეყნებს შორის ერთ-ერთი ქალაქი იქნება და მშენებლობას დემოკრატიული, არჩევნების გზით დაიწყებს", - განაცხადა იმამკულიევმა.

როგორც ის ამბობს, მერის შუალედურ არჩევნებში გამარჯვებაში დარწმუნებულია.

"მთელ საქართველოს და მსოფლიოს კარგად ახსოვს 2014-2016-2017 წლების არჩევნები, სადაც მე ვიყავი კანდიდატი და ყოველთვის მე ვიყავი ამ ბრძოლაში გამარჯვებული და დღესაც, ჩვენ გავიმარჯვებთ.

სამწუხაროდ, "ქართული ოცნება" აგრძელებს აგრესიით, მოსყიდვით და ამომრჩევლებზე ზეწოლით ბრძოლას, მაგრამ ჩვენ არ გვეშინია არც "ქართული ოცნების", არც ბიძინა ივანიშვილის და ჩვენი მოსახლეობა ერთად დავდგებით იმისთვის, რომ ამ ბრძოლაში გავიმარჯვოთ. ინციდენტი იყო სოფელ სადახლოში, სადაც ჩვენს ერთ-ერთ წევრს ფიზიკური შეურაცხყოფა მიაყენეს "ქართული ოცნების", მერიის წარმომადგენლებმა.

მოსყიდვის ფაქტებიც იყო - კანდიდატის მეუღლე სოფელ-სოფელ დადიოდა და არიგებდა ინდურ ბრინჯს და ზეთს. დღეს უკვე ელოდებიან, რომ ინდური ხმები მოვა, მაგრამ ჩვენ ვთვლით, რომ მარნეულში ინდური ხმები არ არის, მარნეულში საქართველოს მოქლაქეების ხმებია", - განაცხადა იმამკულიევმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს